Plattdüütsch is en egen Nedderdüütsche Spraak.
Eenige Böker schrieft falsch, dat dat een Dialekt is.
Dat gifft twee Oorden, Neddersassisch un Ostnederdüütsch. 
De offizielle Sprakencode na ISO 639-2 is nds. Plattdüütsch is in de Europääsche Kort vun de Regionaal- un Minnerheitenspraken opnahmen.
Dat is nu güllig vun 1998 af. Plattdüütsch höört to de westgermaansche
Spraken.

Mekelnborg-Vörpommersch Platt (Mecklenburgisch) is een vun de wichtigste Plattdüütsche Dialekten.
Dat ward vör allem in Mekelnborg-Vörpommern snackt. De Deelen sünd:

Dialekt Land Orte Wendländsch Neddersassen Amt Neuhaus-Lüchow-Dannenberg Mekelbörger Platt Mekelnborg-Vörpommern Schwerin-Rostock-Wismar-Güstrow Westpommersch Mekelnborg-Vörpommern Stralsund-Griepswohld-Anklam Strelitzisch Mekelnborg-Vörpommern Nieg Strelitz-Neubrandenburg

Plattdüütsche Grammatik

En Spraak is nich blots 'n Barg Wöör, de 'n seggen kann, as enen dat in'n Sinn kümmt. Dat gifft näämlich ok Regeln dor to, un de bestimmmt, wat de Wöör för'n Form kriegen mööt un woans en een Woort achter dat annere setten mutt, also de Rehg vun de Wöör. Dat mutt nu avers nich heten, dat dat 'n Grammatikbook geven deit, wo en all de Regeln in finnen kann, so as för Hoochdüütsch.
Dat gifft dat för Plattdüütsch nich, un wenn doch, denn heet dat noch lang nich, dat nu elkeen so snacken mutt, as dat in't Book steiht. Grammatik is, wat wi in'n Kopp hebbt. Wenn wi dat nich harrn, denn kunnen wi gor keen Spraak snacken. Bi't Plattdüütsch is dat nu so, dat de Lüüd in verschedene Gegenden verschedene Dialekten snacken doot, un denn hebbt se dor ok verschedene Grammatiken bi in'n Kopp.